(((فارس أحلامي)))
دعاء عندها 20 سنة جميلة و محترمة
اختها داليا..عندها 16 سنة..دي الدلوعة الصغيرة
و احمد اخوهم الكبير 26 سنة و اقرب شخص ل دعاء
((دعاء بتصرخ وهي نايمة))
داليا: دعاء.. أصحي.. مالك
(دعاء صحيت)
دعاء: الحمد لله..كنت بحلم
داليا: حرام عليكي يا شيخة.. صحتيني مخضوضة
دعاء: الطبيعي أنك تسأليني بحلم بإيه
داليا: لا ياختي..مش عايزة اسمع..انا عايزة انام يلا نامي..تصبحي على خير
دعاء: لا النوم طار خلاص..هقوم اشوف احمد صاحي ولا لأ
داليا: أكيد راح الشغل
دعاء: النهاردة الجمعة يا هبلة
داليا: اه صحيح.. طيب اطلعي.. خليني اعرف انام
(دعاء خرجت لقيت احمد بيتفرج على التليفزيون)
دعاء: ايه مصحيك بدري كده
احمد: انا متعود اصحى بدري.. وبعدين الساعة 11..هو ده البدري بتاعك
دعاء: ايوة طبعا.. انا بنام الصبح
احمد: طيب ايه صحاكي دلوقتي مادام نايمة الصبح
دعاء: حلمت حلم طير النوم من عيني
أحمد: خير.. حلمتي بإيه
دعاء: حلمت اني ف صحرى ومكنش فيها اي مخلوق غيري انا و واحد ثاني معرفوش..
لكن انا فاكرة شكله كويس جدا.. المهم.. الشخص ده بيحاول يقرب مني وانا
خايفة منه و ببعد.. فجأة طلع ثعالب من كل مكان و بعدها داليا صحتني
أحمد: متخافيش.. ان شاء الله خير
دعاء: يارب
((ثاني يوم))
دعاء: احمد.. أتأخرت كده ليه
أحمد: أصلي خرجت مع صحابي بعد الشغل
دعاء: حصلت حاجه غريبه
أحمد: خير
دعاء: حلمت بنفس الشخص ثاني
أحمد: غريبة.. بس أكيد انتي شغلتي بالك بالحلم الأولاني علشان كده حلمتي ثاني بنفس الشخص
دعاء: تفتكر
أحمد: أكيد.. قوليلي حلمتي بإيه
دعاء:حلمت انه بيمدلي ايده و يقولي تعالي معايا.. و مسكت ايده و مشيت
معاه.. مشينا ف شارع ضلمة اوي و انا خايفة جدا و صحيت وانا خايفة
احمد: متختافيش.. و متشغليش بالك.. هي داليا فين
دعاء: نامت.. وانا كمان عايزة انام ومش عارفه من الخوف
أحمد: حاولي تنامي.. وان شاء الله مفيش احلام زي دي تاني.. بس متخليش الخوف يسيطر عليكي.. وبعدين هتنامي بدري كده
دعاء: امبارح منمتش كويس.. علشان كده جالي نوم بدري
احمد: طيب حاولي تنامي
دعااء: حاضر.. هحاول انام.. تصبح على خير
أحمد: وانتي من اهل الخير
(دعاء دخلت تنام.. فضلت مغمضة لغاية ما نامت و حلمت بـ)
((الحلم))
دعاء: انت واخدني فين
.........: هخدك معايا
دعاء: لأ مش عايزة اجي معاك.. انا خايفة منك .. وايه المكان الضلمة ده
......: بإيدك تطلعي للنور
دعاء: أزاي قولي
...........: طريق الضلمة معروف و طريق النور معروف
دعاء صحيت..لكن بقيت دايما تحلم بالشخص ده.. لو محلمتش بيه ف يوم .. اليوم
اللي بعده تحلم بيه.. لغاية ما خرجت هي و داليا و راحوا كافيه
دعاء: انتي حالك مبقاش عاجبني يا داليا.. مهملة جدا ف المذاكرة وانتي ف أخر سنة ف الثانوي يعني بتحددي مستقبلك
داليا: متقلقيش
دعاء: ايه ده
داليا: في ايه
دعاء: مش معقول.. هو اللي بيجيلي ف الاحلام
داليا: احلام ايه
دعاء: واحد كان بيجيلي دايما ف الاحلام و دايما كنت بصحى خايفة بسببه
داليا: (بصت وراها و قالت) طيب خلي بالك علشان اخد باله انك بتبصي عليه
دعاء: أه صحيح.. انا سرحت اصلا...... الحقي.. جي علينا
داليا: ما من كتر ماانتي مركزة فيه .. أكيد حب يتعرف
( وصل عند داليا ودعاء)
.........: اتفضلي
دعاء: ايه دي
( سابها و مشي)
دعاء: مجنون ده ولا ايه
داليا: تلاقيه كاتبلك رقمه
دعاء: (فتحت الورقة) فعلا.. رقمه .. اسمه أدهم
داليا: دعاء و داليا و ادهم .. ياسلام لو الدال ف أول اسمه
دعاء: انتي عبيطة.. احنا ف ايه ولا ف ايه
داليا: طيب هتكلميه ولا لأ
دعاء: الفضول هيموتني.. نفسي أعرف مين ده .. وليه دايما بحلم بيه
داليا: يبقى كلميه
دعاء: خلصي العصير بتاعك علشان نروح
داليا: خلاص مش قادرة اكمله.. يلا بينا
دعاء: يلا
(و أول ما وصلوا البيت.. دعاء اتصلت بيه)
أدهم: ألو
دعاء: أزيك يا ادهم
أدهم: الحمد لله... مين
دعاء: انا دعاء
أدهم: دعاء مين
دعاء: اللي ادتلها رقمك النهارده
أدهم: ايووة .. المعجبه
دعاء: معجبة !!!
أدهم: اه.. طول ماانتي قعده .. عينك ماتشالتش من عليا
دعاء: ما أنا لو قولتلك كنت ببصلك ليه.. مش هتصدقني
أدهم: لا هصدقك .. قولي
دعاء: اصلي انا دايما بشوفك ف الحلم
أدهم: وانتي نايمة ولا وانتي صاحيه هههههه
دعاء: انت بتتريق عليا.. والله العظيم دايما بحلم بيك
أدهم: المفروض تقولي بتخيلك و انت بتخطفني على حصانك الابيض يافارس أحلامي
دعاء: أهو بتتريق تاني.. يعني مش مصدقني
أدهم: أصدق ايه بس
دعاء: خلاص.. عايز تصدق صدق.. مش عايز براحتك
أدهم: طب خلاص.. متزعليش.. قوليلي كنتي بتحلمي ب إيه
دعاء: أخر مرة .. حلمت اني قعده انا وانت ف وسط مجموعة ناس وكانوا عايزين يأذوني.. انت أخدتني و مشينا بعيد عانهم و بعدين صحيت
أدهم: ياخبر.. كل ده علشان تبرري اعجابك بيا
دعاء: بقولك ايه.. انا غلطانة اني كلمتك.. اقفل
أدهم: ههههه خلاص والله.. انا أسف
دعاء: خلاص
أدهم: المهم.. هسيبك دلوقتي و هقوم اصلي العشاء و بعدين هرجع اكلمك.. انتي صليتي ولا لسة
دعاء: انا مبصليش.. نفسي انتظم ف الصلاة
أدهم: هتنتظمي من دلوقتي بإذن الله.. يلا قومي صلي انتي كمان
دعاء: هقوم ماشي
أدهم: اتفقنا
دعاء: سلام
أدهم: سلام
(دعاء اول ما خلصت صلاة اتصلت ب أدهم)
أدهم: صليتي
دعاء: ايوة
أدهم: تقبل الله
دعاء: منا و منكم ان شاء الله
أدهم: عايزك بقى تخلي ف بالك انك مش هتفوتي فرض من النهارده
دعاء: يارب.. ادهم احكيلي عن نفسك شوية.. عايزة اعرفك اكتر
أدهم:انا عندي 28 سنه.. محامي..مش خاطب ولا متجوز و بدور على بنت الحلال
دعاء: وانا عندي 20 سنة ف كلية تجارة
أدهم: وبتدوري على ابن الحلال
دعاء: هههههه كل البنات بتدور على ابن الحلال
(نفس اليوم الفجر.. موبايل دعاء بيرن)
داليا: يوووووووه .. مين الزنان اللي بيرن ف وقت زي ده.. دعاااااااااااء.. يا دعااااااااااااء
(دعاء دخلت الأوضة)
دعاء: ايه ده.. مين بيتصل
داليا: خدي شوفي انتي.. واطفي النور مش قادرة افتح عيني
دعاء: ماشي هاتي ... ده ادهم (وردت) ألو
أدهم: صباح الخير
دعاء: صباح الفل
أدهم: يلا ياهانم علشان نصلي الفجر
دعاء: هو انت ليه مصمم كده تخليني أنتظم ف الصلاة
أدهم:علشان مفيش احسن من ان الانسان يقرب من ربنا.. واكتر حاجه تقرب الانسان من ربه الصلاة
دعاء: تقريبا انا عرفت تفسير الاحلام اللي بحلمها ايه
أدهم: هو انتي بتحلمي بيا بجد
دعاء: اه والله
أدهم: بصي .. شكله الموضوع كبير.. نصلي و نرجع نكمل كلامنا
دعاء: حاضر
أدهم: سلام
دعاء: سلام
و قاموا صلوا و رجعوا تاني اتكلموا))
ادهم: ها بقى.. احكيلي ايه حكاية الأحلام دي
دعاء: ماانا قولتلك.. دايما بحلم بيك من قبل ما اشوفك.. وكل الاحلام شبه بعض.. تقريباً تفسيرها انك انت اللي هتخليني اقرب من ربنا
أدهم: سبحان الله.. انتي كده هتخليني أهتم اني اقنعك بالحجاب كمان
دعاء: مفيش حد يكره يتحجب.. لكن خايفة اقلعه
أدهم: الموضوع ده لازم يكون على اقتناع علشان متقلعيهوش ابدا.. لازم تحبي
الحجاب اوي علشان تستمري و كمان ميبقاش زي حجاب اليومين دول .. لبس ضيق و
طرحه صغيرة
دعاء: عندك حق
أدهم: فكري ف الموضوع كويس.. ولو لاقيتي نفسك اقتنعتي ب الحجاب اتكلي على الله.. وبإذن الله مش هتقلعيه
دعاء: حاضر
(ومن بعد اليوم ده.. دعاء بقيت روحها ف ادهم.. وأدهم كمان اتعلق بيها جدا..وبعد شهرين..دعاء بقيت واحده تانية خالص.)
(ادهم و دعاء ف كافيه)
أدهم: ممكن اسألك سؤال
دعاء: اتفضل
أدهم: انا بالنسبالك ايه
دعاء: كل حاجه
أدهم: ازاي
دعاء: اول انت الأول .. انا ايه بالنسبالك
أدهم: انا بحبك
(دعاء سكتت)
أدهم: سكتي ليه
دعاء: فرحانه اني سمعت الكلمة دي منك
أدهم: أفهم من كده انك بتحبيني
دعاء: ياأدهم انت ف الشهرين دول خلتني واحده تانيه.. اتحجبت و انتظمت
فالصلاة ..وكل يوم بقرأ ف المصحف .. بعد ماكنت مبفتحوش خالص.. بقيت حاسة
براحة نفسية عمري ما حسيتها قبل كده .. بعد كل اللي عملته معايا بتسألني..
انت كل حياتي
أدهم: مادام كده.. يبقى حدديلي معاد مع اهلك علشان اتقدملك
دعاء: انت بتتكلم بجد ولا بتهزر
أدهم: طبعا بتكلم بجد.. ايه مش موافقه
دعاء: انا بحبك اوي
أدهم : وانا بموت فيكي.. ها بقى
دعاء: موافقه طبعا .. ده انا هطير من الفرح
أدهم: ربنا يقدرني و أخلي ايامك كلها سعاده
دعاء: يارب.. انا مش قادرة اتخيل ان لسة ف الدنيا ناس زيك
أدهم: في ف الدنيا احسن مني.. انتي
دعاء: ربنا ميحرمنيش منك ابدا
أدهم: ولا يحرمني منك ابدا
(وبعد ساعة روحوا و دعاء وصلت البيت وأدهم كلمها)
أدهم: قولي بقى ل أهلك دلوقتي و شوفيهم هيقولولك نيجي امتى
دعاء: اقول ايه.. لأ.. انا هستنى احمد لما يرجع من الشغل و هقوله هو يقولهم
أدهم: وليه كل ده
دعاء: علشان هيفضلوا يسألوني هو مين و عرفتيه منين وانا مش هعرف ارد.. احمد متفاهم جدا .. هحكيله على كل حاجه
أدهم: ماشي.. هو بيرجع امتى
دعاء: بعد 12
أدهم: اتفقنا.. هستنى ردك
دعاء: اوكي.. هسيبك انا علشان ماما بتناديلي
أدهم: ماشي .. سلام
( ثاني يوم)
دعاء: انا عمالة اتصل بيك.. مش بترد ليه
أدهم: مكنتش سامع التليفون
دعاء: طيب انا كلمت احمد بالليل و قال ل بابا الصبح .. و بابا بيقولك
انتوا تشرفوا ف اي يوم.. المهم يكون بعد المغرب علشان يكون موجود
أدهم: انسيني يادعاء
دعاء: نعم
أدهم: بقولك .. انسيني
دعاء: انت مجنون
أدهم: لأ انا مش مجنون .. ومش عايز اكمل معاكي
دعاء: يعني ايه مش عايز تكمل معايا
أدهم: مش عايز اكمل.. انا حر
دعاء: لأ مش حر.. انت عارف شكلي هيبقى ايه قدام اهلي.. وبالذات احمد.. انا حكيتله على كل حاجه وعلى الحب اللي بينا
أدهم: أنا أسف
دعاء: انت حيوان.. انا مش قادرة اصدق انك ممكن تطلع زبالة كده
أدهم: (بصوت مخنوق) حقك عليا
دعاء: ايه ده.. مالك.. انا لازم افهم في ايه
أدهم: اللي لازم تعرفيه اني ملعبتش ب مشاعرك انا بجد حبيتك
دعاء: في ايه يا أدهم
أدهم: لازم نسيب بعض
دعاء: احنا لحقنا نقرب من بعض علشان نسيب بعض
أدهم: مفيش حل تاني
دعاء: انا معنديش حاجه اقولها غير حسبي الله ونعم الوكيل
أدهم: سلام يا دعاء
دعاء: انت بتعيط
أدهم: مخنوق ومش قادر اتكلم
دعاء: اوعى يكون عندك مرض او حاجه علشان كده بتبعد
أدهم: لأ متقلقيش..
دعاء: أمال ايه
أدهم: انا مخنوق ومش قادر اتكلم
دعاء: برحتك.. بس انا عمري ما هسامحك
أدهم سلام
(دعاء قفلت)
(نفس اليوم .. احمد رجع من الشغل و قال ل دعاء)
أحمد: كلمتي أدهم
دعاء: ايوة
أحمد: قالك جاي امتى
دعاء: قالي انسيني
أحمد: قالك ايه
دعاء: انسييني
أحمد: ايه الحقير ده
دعاء: لأ يا احمد متظلموش.. انا واثقة ان عنده مشكلة كبيرة.. ده كان بيقولي كده وهو بيعيط
أحمد: كان بيعيط.. كده أكيد في سبب.. ولا أوعي يكون بيمثل انه بيعيط علشان يهرب
دعاء: مكنش مجبر من الاساس يقول يتقدملي
أحمد: صح.. وبعدين واحد زي ده .. أكتر حاجه اهتم بيها انه يقربك من ربنا .. مستحيل يطلع ندل كده
دعاء: صح .. يعني انا صح.. أكيد عنده مشكله
أحمد: أكيد.. .. .. انا عايز اكلمه يا دعاء
دعاء: بجد
أحمد: طبعاً.. هاتي الرقم
دعاء: ماشي (و أدتله الرقم)
(أحمد اتصل ب أدهم)
أدهم: الو
أحمد: معلش.. متصل بيك ف وقت متأخر.. بس مش بكون فاضي غير ف الوقت ده
أدهم: مين حضرتك
أحمد: انا أحمد أخو دعاء
أدهم: اهلا بيك
أحمد: هي بنات الناس لعبه ياادهم.. أمبارح تقول ل دعاء عايز اخطبك و النهارده تقولها انسيني
أدهم: انت فاهم الموضوع غلط .. انا حبيت دعاء فعلاً
أحمد: امال ايه
أدهم: انا هاجي اتقدملها بعد بكرة
أحمد: طب ليه قولتلها انك مش هتيجي
أدهم: كان عندي مشكلة و لاقيتلها حل
أحمد: مشكلة ايه اللي بتتحل ف يوم دي
أدهم: انا اللي أقدر اقوله .. اني عايز أجي اتقدم ل أختك و اتمنى انك توافق .. علشان انا مبقتش أقدر اتخيل حياتي من غيرها
أحمد: هفكر و هرد عليك.. سلام
أدهم: سلام
( أحمد قفل و كمل كلامه مع دعاء)
أحمد: عايز يجي يتقدملك بعد بكرة
دعاء: ايه لعب العيال ده
أحمد: انا واثق انه عنده مشكلة فعلاً.. واضح انه بيحبك بجد
دعاء: انا لازم اعرف ليه قالي انسيني و ليه رجع ف كلامه
أحمد: طبعا لازم تعرفي
دعاء: واذا مقاليش
أحمد: سيبيه.. يبقى هو اللي عايزك تبعدي عنه.. أصل معنى انه مصمم ميتكلمش ان الموضوع كبير.. ومن حقك تعرفيه
دعاء: انت شايف كده
أحمد: أكيد
دعاء: انا هتصل بيه و هحاول افهم منه.. لو مرضيش يفهمني هبعد.. زي ماانت قولت
أحمد: صح كده
دعاء: هكلمه دلوقتي
أحمد: لأ.. الوقت اتأخر اوي.. خليها بكرة احسن
دعاء: حاضر
(وثاني يوم اتصلت بيه)
أدهم: وحشتيني
دعاء: ممكن افهم في ايه ياادهم
أدهم: أحمد مقالكيش اني جايلكم بكرة
دعاء: قالي.. لكن ليه قولتلي نبعد عن بعض اصلاً
أدهم: صعب اني ارد عليكي
دعاء: لازم ترد.. انا لازم افهم
أدهم: وانا مش هقدر افهمك
دعاء: ليه؟
أدهم: انا بحبك يادعاء.. ومقدرش اعيش من غيرك
دعاء: وانا بحبك
أدهم: موافقه أجيلكم بكرة
دعاء: موافقه
ادهم: يبقى نخليها على ربنا... وربنا يستر
دعاء: لأ بقى.. انا من حقي افهم.. أرجوك فهمني.. وحياة اغلى حاجه عندك
(أدهم سكت شوية و قالها)
أدهم: هفهمك
دعاء: ياريت
أدهم: جوازك مني .. في احتمال انه يكون خطر عليكي
دعاء: ايه اللي بتقوله ده .. دي فزورة والمفروض انا احلها
أدهم: مش هقدر اقول أكتر من كده
دعاء: وانا مش عايزة اعرف خلاص.. وموافقه .. مهما كان الخطر اللي عليا
وثاني يوم أدهم و أهله راحه يتقدموا ل دعاء
و أهلها وافقه
وبعد اسبوع اتخطبوا
(و ف أول زيارة لـ أدهم)
أم أدهم: بصي يا دعاء.. انتي تنسي خالص اني حماتك.. انا من النهارده مامتك.. انتي عارفه ربنا مرزقنيش ببنات.. يعني هتبقي بنتي بجد
دعاء: ربنا يخليكي
أم أدهم: عرفت تختار يا أدهم
أدهم: عارفه يا دعاء انا سمعت كلمة عرفت تختار دي من ماما قد ايه
دعاء: قد ايه
أدهم: يجي 100 مرة واكتر
أم ادهم: ليه طول الوقت بقولك عرفت تختار.. وبعدين ماانت عرفت تختار بجد
أدهم: أهو كده 102
دعاء: هههههههه .. والله ده انا اللي عرفت اختار.. وكلامي مش على ادهم بس.. ده ربنا رزقني بـ ام و أب كمان
ابو دعاء: ياسلام .. امال احنا فين بقى
دعاء: بابا و ماما برده .. حد طايل يبقى ليه أبين و أمين
أدهم: اه والله .. عندك حق
دعاء: ( بصت على صورة ع الحيطه وقالت بصوت واطي) على فكرة يا حبيبي ..
شكلك ف الصورة دي زي القمر .. وكمان نفس الشكل اللي كنت بتجيلي بيه ف
الحلم.. كانت عينك خضرا.. ياسلام لو عينك خضرا بجد
أدهم: انتي بتقولي ايه.. ده مش انا .. ده أخويا التوأم.. مات من أربع سنين
دعاء: يعني ايه مات .. وكان بيجيلي ف الحلم ليه.. غريبه جدا
أدهم: انا كان لازم اقولك على كل حاجه من قبل ما نتخطب
دعاء: في ايه
أم أدهم: ايه مالكم
أدهم: عن اذنكم يا جماعة .. هنقعد انا و دعاء نتكلم ف البلكونة شوية
أبو دعاء: مفيش مشكلة
(وقاموا دخلوا البلكونة)
دعاء: في ايه
أدهم: انتي قولتيلي قبل كده ان الاحلام كلها شبه بعض
دعاء: ايوة
أدهم: احكيلي تاني معلش.. الأحلام عبارة عن ايه
دعاء: كل مرة كان بيمدلي ايده و بمشي معاه ماعدا مرات بسيطه.. انا حلمت بيه كتير اوي .. والاحلام بطلت تجيلي من ساعة ما عرفتك
أدهم: ده معناه ان أيمن عايز يوصلنا حاجه بالاحلام دي
دعاء: انا لما عرفتك قولت تفسير الاحلام هي اني ربنا هيهديني على ايدك
انت.. لكن معنى ان اللي بيجيلي ميت.. ان تفسير الاحلام ان انا كمان
ه.......
أدهم: متكمليش
دعاء: قولي انت.. ليها معنى تاني..ان الاحلام تتكرر و كل مرة ياخدني معاه و يمشي
أدهم: انا غلطان.. مكنش لازم اخطبك .. مكنش لازم أجازف..دعاء.. انا مخبي
عليكي حاجة كبيرة.. بس مكنتش عايز صورتي تتشوه قدامك.. لكن مادام الموضوع
وصل ل كده لازم تعرفي كل حاجه ممكن نقدر نواجه اللي جاي
دعاء: قول... في ايه
أدهم: انا كنت بحب واحده من زمان.. من قبل ما اخويا يموت.. كانت روحي
فيها.. وكانت الشقة جاهزة باقي العفش بس و اني أكمل فلوس الشبكة.. قولتلها
قدامي شهرين هكمل فيهم فلوس الشبكة وأجي اخطبك.. ووافقت.. وبعد ما خلاص
كملت فلوس الشبكة وأتفقت معاها اني يومين و هروح اتقدملها .. أخويا مات..
كلمتها وانا منهار و قولتلها .. وبعدين بقيت ف حالة صعبة اوي و ملقتهاش
جنبي.. وبعد اسبوع من وفاته .. اتصلت بيها.. لاقيتها بتقولي انها اتخطبت ل
خالد زميلها ف الجامعه .. يعني بعد ما اخويا مات على طول هي اتخطبت..
ساعتها مبقتش قادر أفكر.. بقيت زي المجنون.. المهم انا عارف ان اهلها كلهم
بيشتغلوا و اكتر الوقت بتكون لوحدها...بعد ما قفلت معاها اتصلت تاني.. و
جريتها ف الكلام لغاية ما عرفت انها ف البيت لوحدها... روحتلها و اول ما
فتحت الباب.. مستنتش تقولي اي حاجه و زقتها و قفلت الباب.. فضلت تشتمني..
غلطت فيا وف أهلي.. نسيت نفسي وبقيت بضرب فيها زي المجنون و مفوقتش غير وهي
ميته..فتحت الباب لقيت خطيبها ف وشي.. سيبته و جريت.. وطبعا لما دخل عرف
اني انا اللي قتلتلها.. واللي استغربت منه .. انه محاولش يعملي اي حاجه ..
رغم اني عارف انها بالنسباله مش مجرد واحده خطبها وخلاص.. لأ هي عرفتني بيه
قبل كده و قالتلي انه بيحبها من زمان لكن بالنسبالها مش أكتر من زميل..
بقيت هتجنن ازاي مبينش حتى اهتمام.. وعلى فكرة السبب اني اقرب من ربنا
ومكنش عايز غير رضاه هو الموضوع ده.. كنت كل يوم اصلي وأدعي ربنا
يغفرلي..الموضوع ده فات من اربع سنين.. يعني انا قولت خلاص اتنسى.. لكن
اليوم اللي قولتلك فيه اني عايز اتقدملك.. جالي أخويا ف الحلم .. لأ مكنش
حلم.. كان رؤية.. انا كنت حاسس انه حقيقة و بكلمه بجد.. جالي وقالي متفتكرش
ان موت نورهان اتنسى.. لو خطبت دعاء هتموت.. قالي الكلمتين دول و مشي وانا
صحيت.. بس كنت خايف عليكي اوي و قررت ابعد عنك.. ورجعت ف كلامي لما لاقيت
شكلك بقى وحش قدام أخوكي .. قولت ممكن يكون حلم عادي جالي من كتر التفكير ف
الموضوع ده.. لكن معنى انك بتحلمي انتي كمان ب أخويا .. وكمان من قل ما
تعرفيني.. انه مكنش مجرد حلم.. كانت رؤية بجد
دعاء: مش قادرة أصدق اللي سمعته
أدهم: أنا خايف
دعاء: ربنا يستر
أدهم: احنا لازم نسيب بعض
دعاء: أموت لكن مبعدش عنك
أدهم: لأ لازم نسيب بعض.. انسيني ارجوكي
دعاء: بابا بينادي عليا.. متقلقش .. ان شاء الله خير
أدهم: يارب.. طيب متخرجيش ف اي مكان لوحدك .. اي مشوار عايزة تروحيه.. لازم أكون معاكي
دعاء: حاضر
(((وبعد أسبوع)))
دعاء: انا عايزة اروح فرح نادين صاحبتي
أدهم: هتروحي امتى
دعاء: دلوقتي
أدهم: طيب اديلي مهلة ساعتين .. هخلص شغلي و أجيلك
دعاء: ماشي
((وبعد ساعتين راحلها))
أدهم: يلا.. أجهزي بسرعه علشان الوقت أتأخر
دعاء: ماشي.. انا جاهزة اصلا.. هلف الطرحة بس
أدهم: تمام
(وخرجوا حضروا الفرح .. وهم راجعين)
أدهم: مكنش لازم نمشي متأخر كده.. فيها ايه لو تسمعي الكلام و نطلع بدري شوية
دعاء: مينفعش.. دي مش صاحبتي بس .. دي أختي
أدهم: وايه الشوارع الفاضية دي
دعاء: تقريباً الناس نامت.. ده احنا حتى بدري.. الساعة 2 بس
أدهم: 2 بس
دعاء: ده بابا بس يشوفني هيموتني.. متصل بيا يجي 100 مرة وكل مرة أقوله جاية
(وفجأة لقوا ميكروباص نزل منه 5 رجاله)
أدهم: انتوا مين...... ايه ده .. خالد
خالد: اللي ليه حق.. مبينساهوش.. على فكرة طول الفترة دي وانا عارف اخبارك.. وبحلم باللحظه اللي هتخطب فيها
(و خطفوهم الاثنين.. أخدوهم ف مكان مقطوع و كتفوا أدهم .. وفضلوا ماسكين دعاء)
خالد: انا ممكن أقتلك.. لكن بعد كده هترتاح.. مفيش أكتر من ان حد بتحبه يموت بسببك.. ساعتها هتموت كل يوم
أدهم: أرجوك يا خالد.. دعاء ملهاش ذنب
خالد: وانا كان ذنبي ايه لما حرقت قلبي على خطيبتي
( خالد طلع مطوة .. وضرب دعاء طعنتين و مشي هو و أصحابه.. وأدهم متكتف ومش قادر يعمل حاجه)
أدهم: (بيبكي ومنهار) لأأأأ.. دعاااء
دعاء: (بصوت مخنوق) انا مش زعلانة من اللي حصل.. شكراً يا أدهم علشان
قربتني من ربنا.. انا حاسة اني شايفة الجنة قدامي.. لو مكنتش قابلتك كنت
هعيش.. بس هعيش تايهه.. وناسية اليوم ده.. اليوم اللي هموت فيه وهرجع ل
ربنا
أدهم: حد يلحقنااا .. الحقوووووونا
دعاء: أشهد ان لا اله الا الله.. و أشهد ان محمد رسول الله.......(وماتت)
(((أدهم فضل متكتف لغاية ما ناس شافوه و فكوه .. ولما بلغ على اللي حصل..
خالد و أصحابه اتحقق معاهم و أخده براءة لعدم أكتفاء الأدلة.. و أتأيدت
القضية ضد مجهول)))
#بقلم_زيزي
تابعو زوزيتا على Facebook على بقلم / زوزيــتا
نشرت الفنانة مى كساب صورة جديدة عبر صفحتها الشخصية على موقع التواصل الاجتماعى "إنستجرام"، تجمعها بخطيبها المطرب الشعبى "أوكا" وزملائه أورتيجا وشحته كاريكا، ولاقت الصورة تهنئة من متابعيها متمنين لها السعادة.
%2B%D9%85%D8%B6%D8%BA%D9%88%D8%B7%D8%A9%2B%D8%A8%D8%AD%D8%AC%D9%85%2B%D8%AE%D9%8A%D8%A7%D9%84%D9%8A%2B130%2BMB.jpg)
